Ukrayna ilə Rusiya arasında əsirlərin mübadiləsi oldu

Ukrayna ilə Rusiya arasında daha bir əsir mübadiləsi həyata keçirilib. Ukraynanın 10 hərbçisi və 9 mülki vətəndaşı evinə qayıdıb.

Metbuat.az xəbər verir ki, bu barədə Ukrayna Baş nazirinin müavini İrina Vereşçuk teleqram kanalında məlumat yayıb.

Əsirlikdən qayıdan hərbçilərdən 2-si zabitdir.

“Bu dəfə azad edilənlər arasında yaralılar da var və bu, çox vacibdir. Axı indi onlar tam müalicə ala və reabilitasiya kursu keçə biləcəklər”, – deyə İrina Vereşçuk əlavə edib.

Qeyd edək ki, müharibə başlayandan bəri Rusiya və Ukrayna bütövlükdə altı əsir mübadiləsi həyata keçirib. Ümumilikdə 232 ukraynalı evinə qayıdıb.

You must enable Javascript on your browser for the site to work optimally and display sections completely.