Ukrayna və Rusiya razılaşmaya yaxındır

Metbuat.az xəbər verir ki, bunu Ukrayna Prezidenti Volodimir Zelenski ABŞ-ın CBS telekanalına müsahibəsində deyib.

“Hesab edirik ki, tərəflər razılaşmaya nail olmağa çox yaxındır”, – deyən Zelenski bildirib ki, mümkün razılaşma ölkələrin rəhbərləri səviyyəsində təsdiq olunmalıdır.

Prezident, həmçinin vurğulayıb ki, Ukrayna nüvəsiz, bloklardan kənar və neytral statusu qəbul edəcək, eyni zamanda Avropa İttifaqının üzvü olacaq:

“Razılaşmanın əsas hissəsi təhlükəsizlik zəmanətidir. Təhlükəsizlik zəmanəti bizim ölkəni dəstəkləyəcək dövlətlər dairəsinin mövcudluğunu nəzərdə tutur. Rusiya tərəfdən təcavüz olduğu təqdirdə, bu ölkələrin liderləri Ukraynaya müxtəlif yollarla kömək edəcəklər”.

You must enable Javascript on your browser for the site to work optimally and display sections completely.