Vardanyan Balasanyanın “başını yedi” – Yeni hədəf kimdir?

“Separatçı rejimdə Vitali Balasanyan dövrü başa çatdı. Onun yerinə qondarma qurumun TŞ baş katibi vəzifəsinə Ararat Melkumyan təyin edilib. Beləliklə Hadrut-Xocavənd klanını təmsil edən Araik Arutyunyan Ruben Vardanyanla birləşərək Ağdərədən olan Balasanyanın sonuna çıxdılar”.

Metbuat.az xəbər verir ki, bu fikirləri politoloq İlyas Hüseynov deyib. Onun açıqlamasına görə, V.Balasanyan hesab edirdi ki, Ruben Vardanyan Qarabağ ermənilərinin maraqlarına xəyanət edərək öz piar və maraqları üçün işləyir.

“Ötən ilin sentyabrında separatçı rejimdə başlayan ziddiyyətlər və klanlar arasında savaş pik nöqtəyə qalxırdı. R.Vardanyan sülh prosesinə zərbə vurmaqla yanaşı, həm də özünə qarşı rəqibləri də aradan çıxarmaq qərarına gəldi. Son vaxtlar Ruben Vardanyan, Arayik Arutyunyan və Vitali Balasanyanın ətrafında toplaşan qruplaşmalar bir-biri ilə qarşıdurmaya başlamışdı. R.Vardanyan V.Balasanyandan yaxa qurtardıqdan sonra Arayik Arutyunyanın “başını yeyəcək””.

İlyas Hüseynov fikirlərinə əlavə olaraq bildirdi ki, general-mayor Ararat Melkumyan yeni işə keçidi ilə əlaqədar qondarma rejimin “Milli Təhlükəsizlik Xidməti direktorunun birinci müavini” vəzifəsindən azad edilib. Melkumyan da Ağdərə doğumludur. Politoloq qeyd etdi ki, Melkumyan 2016 və 2020-ci illərdə ölkəmizin ərazi bütövlüyünə qarşı döyüşüb. Separatçıların əsgərlərinə qarşı amansızlığı və qəddarlığı ilə ad çıxarıb.

Metbuat.az

You must enable Javascript on your browser for the site to work optimally and display sections completely.