Zəlzələ baş verən şəhərlərin əhalisi nə qədərdir?

Məlum olduğu kimi, mərkəzi Türkiyənin Kahramanmaraş bölgəsi olan zəlzələ ümumilikdə 10 şəhərdə dağıntılar törədib.

Təbii fəlakət nəticəsində 31 min 643 nəfər həlak olub. 158 min 165 nəfər isə zəlzələ baş verən ərazidən təxliyə edilib.

Metbuat.az xəbər verir ki, son statistikalar gösətrir ki, zəlzələnin mərkəzi olan Kahramanmaraşda 1 milyon 177 min 436 nəfər, Kilisdə 147 min 919 nəfər, Diyarbakırda 1 milyon 804 min 880, Adanada 2 milyon 274 min 106 nəfər, Osmaniyedə 559 min 405 nəfər, Qaziantep şəhərində 2 milyon 154 min 51 nəfər, Şanlıurfada 2 milyon 170 min 110 nəfər, Adıyamanda 635 min 169, Malatyada 812 min 580, Hatayda isə 1 milyon 686 min 43 nəfər əhali yaşayır.

Qeyd edək ki, “Bloomberg”in bugünkü açıqlamasına görə, Türkiyədə baş verən zəlzələlər ölkə iqtisadiyyatına 84 milyard dollar zərər vura bilər. Bildirilib ki, bu məbləğ ÜDM-nin təxminən 10%-ni təşkil edir. Məlumata görə, yaşayış binalarına dəyən ziyan 70,8 milyard dollar təşkil edib. Bundan başqa, zəlzələlərin nəticələri ölkə büdcəsinin gəlirlərinin 10,4 milyard dollar azalmasına səbəb olacaq. Daha 2,9 milyard dollarlıq zərər Türkiyə iqtisadiyyatına işçi qüvvəsi itkisinə görə dəyəcək.

You must enable Javascript on your browser for the site to work optimally and display sections completely.