Bundesliqanın 31-ci turunda “Bavariya” yenə diqqət mərkəzində olub.
Publika.az xəbər verir ki, komanda “Maynts”ı 4:3 hesabı ilə məğlub edib.
Oyun zamanı münhenlilər hesabda geri düşüblər və fasiləyə qədər 0:3 məğlub durumda olublar. Buna baxmayaraq, sonda geri dönüş edərək üç xalı qazanmağı bacarıblar.

Bu, Almaniya nəhənginin cari mövsümdə səkkizinci geridönüş qələbəsi olub. Bu göstərici ilə “Bavariya” Bundesliqanın rekordunu təkrarlayıb. Həmin rekord əsrin əvvəlində, 2001/2002 mövsümündə “Bayer Leverkuzen” tərəfindən müəyyən edilmişdi.