Fransanın keçmiş prezidenti Nikola Sarkozi 2012-ci il seçki kampaniyasına həddindən artıq xərcləmə ilə bağlı iş üzrə cəzasını çəkdikdən sonra şərti azadlığa buraxılıb.
Publika.az xəbər verir ki, bu barədə “RTL” radiostansiyası Paris Apelyasiya Məhkəməsinə istinadən məlumat yayıb.
Məhkəmə Sarkozinin yüngül cəza tələbini təmin edib. Beləliklə, keçmiş prezident bu iş üzrə altı aylıq cəzasını çəkərkən taxmalı olduğu elektron qolbağı bundan sonra taxmayacaq.
Xatırladaq ki, 2024-cü ilin fevral ayında Paris Apelyasiya Məhkəməsi Sarkozini 2012-ci il seçki kampaniyasını qanunsuz maliyyələşdirməkdə günahkar bilib və onu bir il həbs cəzasına məhkum edib, bunun altı ayı çəkilib və altı ayı təxirə salınıb.