Tailandda yarasalarda yeni koronavirus ştamı aşkarlanıb.
Publika.az xəbər verir ki, bu barədə Tailandın Rəqəmsal İqtisadiyyat və Cəmiyyət Nazirliyi məlumat yayıb.
Bildirilib ki, hazırda insanlarda yoluxma halı qeydə alınmayıb. Mütəxəssislərin sözlərinə görə, yeni virusun yayılma və xəstəlik törətmə potensialı COVID-19-la müqayisədə daha aşağıdır.
Qeyd edilib ki, məsələ Tailandın Saxta Xəbərlərlə Mübarizə Mərkəzi tərəfindən araşdırılıb və məlumatın doğru olduğu təsdiqlənib. Nazirlik əhalini yalnız rəsmi mənbələrə inanmağa çağırıb.

Müəllif: Roza