Zəfər İqbal “Arsenal” klubunda idman təbabəti və performansın yaxşılaşdırılması şöbəsinin müdiri vəzifəsindən istefa verib.
BEY.AZ xəbər verir ki, bu barədə “The Telegraph” məlumat yayıb.
51 yaşlı mütəxəssisə klub iclasında işdən çıxarıldığı bildirilib. İşdən çıxarılmanın uzun müddətdir baş məşqçi Mikel Arteta ilə işləmiş ispan fizioterapevt Xoakin Asekonun hesabatı ilə əlaqəli olub-olmadığı hələlik məlum deyil.
“Arsenal”ın bu qərarına mövsüm ərzində əsas oyunçuların zədələnmə səbəbləri ilə bağlı daxili müzakirələr səbəb olub.
Məşq, heyət seçimi, rotasiya və tibbi yardım bəzi oyunçuların iş yükü səbəbindən yaşadığı çətinliklərin səbəbləri kimi görülüb.

“Arsenal”a keçməzdən əvvəl İqbal səkkiz il “Kristal Palas”da çalışıb və orada tibb şöbəsinə rəhbərlik edib. Bundan əvvəl isə o, “Liverpul” və “Tottenhem”də dörd ildən çox çalışıb və akademiya həkimindən “Tottenhem”in əsas komandasına qədər yüksəlib.
Müəllif: Tural