“Mançester Yunayted” Federasiya Kubokunun qalibi oldu
Futbol üzrə İngiltərə Federasiya Kubokunun qalibi bəlli olub.
BEY.AZ xəbər verir ki, finalda “Mançester Siti” və “Mançester Yunayted” komandaları üz-üzə gəlib. Görüş “qırmızı şeytanlar”ın 2:1 hesablı qələbəsi ilə yekunlaşıb.
Hesabı 30-cu dəqiqədə Alexandro Qarnaço açıb. Kobi Maino 39-cu dəqiqədə fərqi iki topa çıxarıb. Matçın yekun nəticəsini 87-ci dəqiqədə Ceremi Doku müəyyənləşdirib.
Bununla da “Mançester Yunayted” tarixində 13-cü dəfə Federasiya Kubokunun qalibi olub.
| MÜHASİBATLIQ XİDMƏTİ | TÜRKÇE BİLGİ PORTALI |