“Olimpiakos” UEFA Konfrans Liqasının qalibi oldu
UEFA Konfrans Liqasının qalibi müəyyənləşib.
BEY.AZ xəbər verir ki, Yunanıstanın “Olimpiakos” və İtaliya təmsilçisi “Fiorentina” klublarının üz-üzə gəldiyi final matçında birincilər minimal hesablı qələbə qazanıb.
Afinadakı “AEK Arena”da baş tutan matçın əsas vaxtı 0:0 hesabı ilə nəticələndiyindən, qalibi müəyyənləşdirmək üçün hər biri 15 dəqiqədən ibarət əlavə iki hissə oynanılıb. 116-cı dəqiqədə florensiyalıların qapısına yol tapan El Kaabi “Olimpiakos”un qələbə qolunun müəllifi olub.
Qeyd edək ki, “qırmızı-ağlar” tarixində ilk dəfə yüksəldiyi avrokubok finalında Konfrans Liqasının qalibi adını qazanıb.
| MÜHASİBATLIQ XİDMƏTİ | TÜRKÇE BİLGİ PORTALI |