ABŞ prezidenti Donald Trampın ətrafındakı bəzi şəxslər Vaşinqtonun İrana qarşı hərbi əməliyyatının məqsədlərinin genişləndirilməsini istəyiblər.
BEY.AZ xəbər verir ki, bunu ABŞ-ın vitse-prezidenti Cey Di Vens bildirib.
Onun sözlərinə görə, Trampın əsas məqsədi İranın ənənəvi silahlarını məhv etmək, onun güc nümayiş etdirmək imkanlarını məhdudlaşdırmaq və Tehranın heç vaxt nüvə silahına sahib olmamasını təmin etmək olub.
Vens qeyd edib ki, bəzi şəxslər əməliyyat qarşısında əlavə məqsədlər qoymağa çalışsalar da, Tramp bununla razılaşmayıb.

“Məncə, prezidentin uğurunun səbəbi məhz onun bu cür təzyiqlərə boyun əyməməsidir. Hələ hər şey başa çatmayıb, amma indiyə qədər hər şey yaxşı gedir”, – deyə ABŞ vitse-prezidenti əlavə edib.

Müəllif: Roza