ABŞ Mərkəzi Komandanlığı (CENTCOM) Oman körfəzini keçməyə cəhd edən Panama bayrağı altında üzən M/V Vela Nova yük gəmisinin sükan idarəetmə sisteminin ABŞ hərbçiləri tərəfindən sıradan çıxarıldığını təsdiqləyib.
BEY.AZ xəbər verir ki, bu barədə qurumun yaydığı bəyanatda deyilir.
“Bu gün CENTCOM qüvvələri İranın ABŞ tərəfindən tətbiq olunan blokadasını pozmağa cəhd edən Panama bayrağı altında üzən “M/V Vela Nova” yük gəmisinin sükan idarəetmə sistemini sıradan çıxarıb”, – deyə məlumatda bildirilir.
Mövcud məlumatlara görə, ABŞ Hərbi Dəniz Qüvvələrinin “MH-60” helikopteri gəminin heyəti Amerika hərbçilərinin dəfələrlə etdiyi xəbərdarlıqlara məhəl qoymadıqdan sonra “Vela Nova” gəmisinin maşın şöbəsinə iki “Hellfire” raketi atıb.

Bundan əvvəl hücumdan sonra gəmi heyətinin başqa bir mülki gəmiyə keçməyə cəhd etdiyi bildirilmişdi.

Hüseyn İbadlı