Ticarət əməliyyatları zamanı bitkoinin dəyəri mayın 27-dən bəri ilk dəfə 75 min dolları ötüb.
BEY.AZ xəbər verir ki, bu barədə “Binance” platformasının məlumatlarında bildirilir.
Bakı vaxtı ilə saat 05:33-ə olan məlumata görə, bitkoinin qiyməti 2,77 faiz artaraq 75,045 min dollara çatıb. Saat 05:38-ə doğru bitkoinin artım dinamikası səngiyib – kriptovalyuta 74,68 min dollar səviyyəsində qərarlaşıb.
“Alfa-Foreks” şirkətinin Müştəri dəstəyi və satış departamentinin rəhbəri Aleksandr Şneyderman bitkoinin qiymətinin tezliklə iki dəfə ucuzlaşaraq 33 min dollara düşə biləcəyini bildirmişdi. O, əsas səbəb kimi investorların riskli aktivlərdən kütləvi şəkildə imtina etdiyi qlobal “risk-off” rejimini göstərib.

Hüseyn İbadlı