ABŞ Prezidenti Donald Tramp Tennessi ştatında tərəfdarları qarşısında çıxışı zamanı maraqlı fikir səsləndirib.
BEY.AZ xəbər verir ki, siyasətçi ya Sakit okean, ya da Atlantik okeanın adını öz şərəfinə dəyişdirmək niyyətində olduğunu açıqlayıb.
ABŞ dövlət başçısı bildirib ki, okeanın adı Amerika da ola bilər: “Bizə okean lazımdır. Buna görə də ya Atlantik, ya da Sakit okean haqqında düşünürəm. Biz onu “Tramp okeanı” və ya “Amerika okeanı” adlandıra bilərik. Nə isə buna bənzər bir şeylər…”
Siyasətçi həmçinin belə hesab edir ki, ABŞ-ın “böyük bir çay”a da ehtiyacı var. Tramp vurğulayıb ki, Missisipi çayını sevdiyi üçün adını dəyişdirmək niyyətində deyil. Bundan əlavə, Amerika lideri bir daha Hörmüz boğazına “Tramp boğazı” adını vermək istədiyini açıqlayıb.

Ağ Evin rəhbəri okeanla bağlı fikirini belə tamamlayıb ki, bu ideya onun prezidentlik müddəti bitməmişdən əvvəl həyata keçirilməlidir.

Müəllif: Tural