“Qarabağ”ın “Gent”ə qarşı keçirəcəyi oyunun başlama saatı bəlli oldu

Ağdamın “Qarabağ” klubunun UEFA Konfrans Liqasının pley-off mərhələsi çərçivəsində Belçikanın “Gent” komandasına qarşı keçirəcəyi oyunların başlama saatı müəyyənləşib.

bey.az xəbər verir ki, gələn il fevralın 16-da Bakıda, Tofiq Bəhramov adına Respublika Stadionunda oynanılacaq ilk qarşılaşma saat 21:45-də start götürəcək.

Fevralın 23-də Gent şəhərində keçiriləcək cavab matçı isə Bakı vaxtı ilə saat 00:00-da başlayacaq.

Qeyd edək ki, “Qarabağ” Avropa Liqasında yer aldığı G qrupunu 3-cü pillədə başa vurduğu üçün Konfrans Liqasının pley-off mərhələsində iştirak hüququ qazanıb.

You must enable Javascript on your browser for the site to work optimally and display sections completely.