Əsaslı şəkildə təmir edilən köhnə Bakı-Quba yolunda işlər plana uyğun aparılır.

Yolun 77-87-ci kilometrliyində asfaltlanma işləri bu gün başa çatdırılıb.

Döşənilən asfalt örtüyü xüsusi texnikalar vasitəsilə kipləşdirilir.

Avtomobil Yolları Dövlət Agentliyindən verilən məlumata görə, köhnə Bakı-Quba yolu hələlik paytaxt istiqamətində təmir edilir. Təmirin birinci mərhələsinin bu ilin sonuna qədər tam yekunlaşdırılması nəzərdə tutulur.