Ələt-Astara magistral yolunda qəza: ölən var

Salyanda iki “Kamaz” markalı maşının toqquşması nəticəsində bir nəfər ölüb, bir nəfər yaralanıb.

Metbuat.az APA-ya istinadən xəbər verir ki, hadisə Ələt-Astara magistral yolunun rayon ərazisindən keçən hissəsində qeydə alınıb. Belə ki, hərəkətdə olan “Kamaz” markalı yük maşını qarşıda gedən unla dolu eyni adlı yük maşınının qoçqusuna, sonra isə beton maneəyə çırpılıb. Hadisə zamanı qoşqu açıb, un kisələri yola tökülüb. Qəza nəticəsində bir nəfər ölüb, bir nəfər isə ağır bədən xəsarətləri alıb. Yaralı Salyan Mərkəzi Xəstəxanasına yerləşdirilib. Vəziyyətinin ağır olduğu bildirilir. Ölən və yaralının şəxsiyyəti dəqiqləşdirilir. Faktla bağlı araşdırma aparılır.

You must enable Javascript on your browser for the site to work optimally and display sections completely.