Qvardiola De Brüyneni onunla əvəz etmək istəyir
“Mançester Siti”nin baş məşqçisi Xosep Qvardiola komandanın yarımmüdafiəçisi Kevin de Brüyne üçün əvəzləyici olaraq Camal Musalanı düşünür.
Metbuat.az bildirir ki, Brüyne artıq 32 yaşındadır və 2 il sonra klubla müqaviləsi bitir. Belə olan halda “şəhərlilər” “Bavariya”dan Camal Musalanı transfer etməyə çalışacaqlar.
20 yaşlı yarımmüdafiəçinin münhenlilərlə 2026-cı ilin yayınadək müqaviləsi var. Mançesterlilər qarşı tərəfin 110 milyon avroluq tələbinə rəğmən bu keçidin həll olunmasında israrlıdır. Yanvarda, ən geci gələn yay Musialanın keçidi üçün lazım olan addımlar atılacaq.