“Bəlkə “Barselona”ya qayıtdı” – Baş məşqçidən təəccüblü açıqlama

“İnter Mayami”nin baş məşqçisi Tata Martino Lionel Messinin “Barselona”ya icarəyə veriləcəyi ilə bağlı yayılan xəbərlərə fikir bildirib.

Metbuat.az xəbər verir ki, Tata Martino bildirib ki, bu barədə məlumatı yoxdur.

“Əylənməyə gedir? Bəlkə Barselonaya səfərə gedəcək. Bundan başqa bu məsələdə məlumatım yoxdur” – Tata Martino deyib.

Qeyd edək ki, iki turdan sonra “İnter Mayami” fevral ayına qədər MLS-də oyun oynamayacaq. Bu fasilə dövründə Messinin “Barselona”da oynayacağı irəli sürülür. İddia edilir ki, Messi üçün “Barselona”da təntənəli vida mərasimi təşkil ediləcək.

Transferin baş tutacağı ehtimalı az görünsə də, Lionel Messinin Barselonaya qayıtma ehtimalı azarkeşləri sevindirib.