Türkiyə millisində yeni baş məşqçi – Rəsmi

Türkiyə millisinin yeni baş məşqçisi Stefan Kuntzla müqavilə imzalanıb.

Riva Hasan Doğan Milli Komandalar Təlim Mərkəzində almaniyalı mütəxəssisin təqdimat mərasimi keçirilib.

Bey.az xəbər verir ki, Stefan Kuntz Türkiyə Futbol Federasiyası ilə 3 illik müqaviləyə qol çəkib. 

Oktyabrın 8-də DÇ-2022-nin seçmə mərhələsində Norveçlə görüş 59 yaşlı məşqçinin yığmada debütü olacaq. 

Xatırladaq ki, Türkiyə yığması DÇ-2022-nin seçmə mərhələsində Niderlanda 1:6 hesablı məğlubiyyətdən sonra Şenol Günəşlə yollarını ayırıb.