İnstaqram məzmun istehsalçısı Mallika Fatehpuria saatlarla idman zalında tər tökmədən və özünü aclığa məhkum etmədən 90 kilodan 55 kiloya düşməyin sirrini bölüşüb. Onun 35 kiloqramlıq bu uğuru pəhriz deyil, bir “həyat tərzi inqilabı” olaraq qiymətləndirilir.
Publika.az xəbər verir ki, Mallika Fatehpuria arıqlamağı bir cəza deyil, “balans oyunu” olaraq görür və bu müddətdə sevdiyi yeməklərdən imtina etmədiyini bildirir.
Mallika illərdir tətbiq etdiyi və dayandırdığı anda çəkisini geri aldığı qatı pəhrizləri həyatından tamamilə çıxarıb. O, arıqlamağı “bir an əvvəl bitməli olan vəzifə” kimi görməkdən imtina edərək, onu gündəlik həyatının bir hissəsinə çevirib.
Bir çox dietoloqdan fərqli olaraq, o, çörək, makaron və ya düyünü rasionundan silməyib.
Onun sirri: “Problem yeməyin özündə deyil, boşqabınızdakı balanssızlıqdadır”. Mallika qadağalar qoymaq əvəzinə, boşqabındakı karbohidrat, zülal və lif balansını tənzimləməyə fokuslanıb.

Fatehpuria arıqlamaq üçün dadı olmayan pəhriz yeməkləri yeməyin şərt olmadığını sübut edib. O, mətbəxində həm yüngül, həm də ləzzətli təamlar hazırlayaraq pəhriz prosesini bir işgəncədən dadlı bir səyahətə çevirib.
Əvvəllər hər gün saatlarla ağır idman etməyin vacib olduğunu düşünən Mallika bədəni yormağın səhv olduğunu anlayıb.
Mürəkkəb idman alətləri yerinə sadə yürüyüş və müntəzəm hərəkətliliyə üstünlük verib. Gücünü artıracaq təməl hərəkətlərlə qalıcı nəticə əldə edib. (Milli.Az)