Kənd təsərrüfatı naziri Məcnun Məmmədovun Rusiya prezidentinin köməkçisi və iqlim və su ehtiyatları üzrə xüsusi nümayəndəsi Ruslan Edelgeriev ilə görüşündə ölkələr arasında kənd təsərrüfatı sahəsində mövcud vəziyyət müzakirə olunub.
Nazirlikdən BEY.AZ-a verilən məlumata görə, görüş zamanı tərəflər iqtisadiyyatın digər sahələrində olduğu kimi, aqrar sahədə də əməkdaşlığın inkişaf etdiyini vurğulayıblar.
Görüş zamanı tərəflər Xəzər dənzinin səviyyəsinin aşağı düşməsi, aqrar sahəyə dair yeni Dövlət Proqramının əsas məqsədlərindən biri olan su resurslarına qənat edilməsi məqsədilə suvarma sistemlərinin müasirləşdirilməsi, quraqlığa və xəstəliyə davamlı bitki sortlarının qarşılıqlı sınaqlarının təşkil edilməsi, hər iki ölkə ərazisində keçirilən beynəlxalq sərgi, yarmarka və aqrar festivallarda qarşılıqlı iştirak, eləcə də tərəflərin maraq kəsb etdiyi digər prioritet məsələlər müzakirə edilib.