Amerikalı müğənni və aktrisa Cennifer Lopes cəsarətli obrazda Nyu-York küçələrində görüntülənib.
Publika.az xəbər verir ki, paparatsilərin çəkdiyi fotoları “Daily Mail” nəşri yayımlayıb.
56 yaşlı məşhur ulduz “Four Seasons” otelinin yaxınlığında küçə fotoqraflarının obyektivinə tuş gəlib. Onun Nyu-Yorka “Netflix”in yeni istehsalı olan “Office Romance” filminin təbliğatı üçün gəldiyi bildirilir. Sözügedən ekran işində o, aktyor Brett Qoldşteyn ilə birlikdə baş rollardan birini canlandırır.
Lopes qara rəngli krujevalı büstqalterin üzərindən geyindiyi oversayz pencək və düz kəsimli klassik şalvarda ictimaiyyət arasına çıxıb. Ayaqqabı olaraq platformalı və hündürdaban səndəllərə üstünlük verən ifaçı əlində bəbir naxışlı kiçik çanta tutub.

Hüseyn İbadlı