Filippinin cənubunda ötən gün baş verən 7,8 bal gücündə zəlzələ nəticəsində həlak olanların sayı 37-yə çatıb.
BEY.AZ xəbər verir ki, Filippin Mülki Müdafiə Departamentinin məlumatına görə, ümumilikdə 456 nəfər xəsarət alıb, daha 4 nəfər isə itkin düşmüş hesab olunur.
Mindanao adasında məktəblər, xəstəxanalar və yaşayış binaları da daxil olmaqla təxminən 1900 tikiliyə ziyan dəyib. Onlardan 1500-ə yaxını tamamilə dağılıb.