ABŞ millisinin müdafiəçisi Kris Riçards dünya çempionatının qrup mərhələsinin 1-ci turunda Paraqvaya qarşı keçirilən və komandasının 4:1 hesablı qələbəsi ilə başa çatan oyunda unikal statistik göstərici ilə yadda qalıb.
BEY.AZ xəbər verir ki, futbolçu qarşılaşmada 90 dəqiqə meydanda olub və oyunu 100 faizlik dəqiq ötürmə göstəricisi ilə başa vurub. Riçards 83 ötürmə yerinə yetirib və onların hamısı ünvanına çatıb.
ESPN-in məlumatına görə, dünya çempionatlarında bu statistikanın aparılmasına başlanıldığı 1966-cı ildən bəri heç bir futbolçu bir oyunda ən azı 80 ötürmə edib, eyni zamanda 100 faizlik dəqiqliyi qoruya bilməmişdi.

Beləliklə, amerikalı müdafiəçi mundiallar tarixində bu göstəriciyə nail olan ilk futbolçu kimi tarixə düşüb.