Rumıniya çempionatı yeni bir cəza ilə qarşılaşıb: qara vərəqə.
BEY.AZ xəbər verir ki, hazırda bu cəza gənclər kateqoriyalarında (yeddi yaşdan on altı yaşa qədər) sınaqdan keçirilir.
Məsələ burasındadır ki, bu cəza oyunçular üçün deyil, onların valideynləri üçün nəzərdə tutulub.
Rumıniyada tez-tez uşaqlarının oyununu izləməyə gələn valideynlər meydançanın yanında problem yaratmağa başlayırlar və hətta bəzən meydana qaçaraq “necə hakimlik etməyi” göstərməyə çalışırlar.

Məhz belə hallar üçün qara kart yaradılıb və bu, həddindən artıq aktiv azarkeşlərə təsir göstərmək üçün hüquqi mexanizm yaradır.