“İki yaşımda atam dünyasını dəyişib, məni anam böyüdüb. 4-5 yaşıma kimi elə bilirdim ki, ata və ana eyni insandır”.
Publika.az xəbər verir ki, bu sözləri “Günə uğurla” verilişində müğənni Əlikram Bayramov deyib. O, anasının vəfat etdiyi tarixdə toylara getmədiyini bildirib:
“Dünyada varlığımı itirmişəm. Həyatımın ən dəhşətli anları idi. 40 gün özümə gəlməmişəm, depressiyaya, xəstəxanalara düşmüşəm. Həyatda yaşadığım ən bədbəxt hadisə, anamı itirdiyim gündür. Ən sarsıldığım gündür. Dekabrın 5-ni ən pis günüm kimi qeyd edirəm. Həmin günü toya da getmirəm”.