Dünya bazarında neft qiymətlərində yenidən artım qeydə alınıb.
Publika.az BBC-yə istinadən xəbər verir ki, artıma səbəb Hörmüz boğazında üç gəminin İran qüvvələri tərəfindən hücuma məruz qalması ilə bağlı yayılan məlumatlardır.
Hazırda “Brent” markalı neftin qiyməti bir barel üçün 103 dollar ətrafında dəyişir. ABŞ-da ticarət olunan neft isə 94 dollar həddini keçib.
Qeyd edək ki, qiymətlərdə artım tendensiyası ABŞ prezidenti Donald Trampın çərşənbə axşamı İranla mümkün razılaşma üçün vaxt qazanmaq məqsədilə atəşkəsin müddətinin uzadıldığını açıqlamasından sonra güclənib.

Müəllif: Roza