Türkiyə Futbol Federasiyasının rəhbəri İbrahim Hacıosmanoğlu bildirib ki, Vinçentso Montella bir il əvvəl Türkiyə millisinin məşqçisi vəzifəsindən ayrıla bilərmiş.
BEY.AZ xəbər verir ki, Hacıosmanoğlu “Fanatik”ə verdiyi açıqlamada bildirib:
“Montella adətən müqavilələrində “Roma”dan təklif gələrsə, ayrılmasına icazə verən bənd daxil edirdi, amma milli komanda ilə müqaviləsində belə bir bənd yox idi.
Biz 2025-ci ilin mart ayında Macarıstanla Millətlər Liqasının pley-off oyununa ev sahibliyi etmək üzrə idik, amma “Roma”dan təklif aldıq. Onlar bizə yaxınlaşıb təklifi nəzərdən keçirməyə hazır olduqlarını dedilər, xüsusən də pley-offda yaxşı nəticə göstərməsələr. Bu, çox nəzakətli idi!

Ona dedim ki, burada olduğum müddətcə onunla işləməyə davam edəcəyik. O, əbədi arzusundan – “Roma”nı çalışdırmaqdan imtina etdi”.

İtaliyalı mütəxəssisin rəhbərliyi altında Türkiyəni 2024-cü il Avro Çempionatının 1/4 finalına çıxıb, 2026-cı il Dünya Kubokuna vəsiqə qazanıb.