Avropa İttifaqında etiraz aksiyaları ilə bağlı vəziyyət gərginləşəcək. Payız və qış aylarında Avropa bloku yeni iğtişaş dalğaları ilə üzləşə bilər.
BEY.AZ xəbər verir ki, “Politico” nəşri belə bir ssenarinin mümkünlüyünü proqnozlaşdırıb.
“Vəziyyət daha da pisləşəcək, çünki qışda elektrik enerjisinin qiymətlərinin artacağı və bunun ailə büdcələrinə ağır yük olacağı ehtimalı yüksəkdir”, – nəşrdə bildirilir.
Qeyd olunub ki, etirazların baş verdiyi bütün ölkələrdə yaxın aylarda seçkilərin keçirilməsi gözlənilir.
Bundan əvvəl Fransa Prezidenti Emmanuel Makron hazırkı etiraz vəziyyətinin fövqəladə vəziyyət elan edilməsini tələb etmədiyini bildirib. Dövlət başçısının sözlərinə görə, vəziyyət kritik həddə çatacağı təqdirdə belə bir rejim tətbiq oluna bilər.
Hüseyn İbadlı
