Abşeron rayonunda kafedə baş verən dava zamanı bir nəfər bıçaqlanıb.
BEY.AZ Teleqraf-a istinadən xəbər verir ki, hadisə Xırdalan şəhərində yerləşən iaşə obyektlərindən birində qeydə alınıb.
Belə ki, paytaxt sakini, 1983-cü il təvəllüdlü Hüseyn Həsənov iaşə obyektində olarkən tanımadığı şəxslə mübahisə edib. Mübahisə davaya çevrilib və nəticədə ona bir neçə bıçaq xəsarəti yetirilib.
Yaralı xəstəxanaya çatdırılıb. Ona cərrahi əməliyyat tətbiq edildiyi bildirilir.

Faktla bağlı araşdırma aparılır.