Çimərlik voleybolçularımız Ermənistanı məğlub etdi
Azərbaycanın çimərlik voleybolçuları Ermənistan təmsilçilərini məğlub ediblər.
BEY.AZ xəbər verir ki, bu barədə Voleybol Federasiyasından məlumata verilib. Bildirilib ki, Gürcüstanın Tbilisi şəhərində təşkil olunan çimərlik voleybolu üzrə Şərqi Avropa Voleybol Zonal Assosiasiyasının (EEVZA) çempionatında iştirak edən kişilərdən ibarət komandamız bu gün ilk oyununu keçirib.
Komandamızın rəqibi Ermənistan təmsilçisi olub. Heydər Məmmədli/Nəriman Bayramlı cütü hər iki hissəni üstün başa vuraraq 2:0 (21:15, 21:13) hesabı ilə qalib qəlib.
Qeyd edək ki, voleybolçularımızın növbəti rəqibi Ukrayna təmsilçiləri olacaq.
| ARMY.AZ | TÜRKÇE BİLGİ PORTALI |