İranlı rejissor və həyat yoldaşı evlərində ölü tapılıblar

İranlı rejissor, ssenarist və prodüser Daryuş Mehrcui və həyat yoldaşı Vahidə Məhəmmədifar Tehrandan təxminən 30 kilometr aralıdakı evlərində ölü tapılıblar.

Məlumata görə, cəsədləri şənbə günü axşam onların qızı Mona Mehrcui aşkar edib. Hadisə yerinə gələn kriminalistlər Mehrcuinin boynunda iti cismin zərbəsi, həmçinin başında küt əşya ilə vurulmuş zərbənin izlərini aşkar ediblər. Mütəxəssislər Məhəmmədifarın ölümünün boğulma nəticəsində baş verdiyini düşünürlər.

Bildirilir ki, ailə əvvəllər sosial şəbəkələrdə təhdidlər barədə məlumat versələr də, polisə heç bir şikayət daxil olmayıb.

Mənbə: TASS