Kişi voleybolçular arasında Azərbaycan çempionatının qalibi müəyyənləşib.
BEY.AZ-ın məlumatına görə, finalda “Azərreyl” və “Murov Az Terminal” komandaları üz-üzə gəliblər.
Bakı İdman Sarayında baş tutan qarşılaşma gərgin mübarizə şəraitində keçib.
İlk setdə “Azərreyl” 29:27 hesabı ilə qalib gəlib. Ardıcıl iki setdə “Murov Az Terminal” oyunçuları üstün olublar – 27:25, 25:19.
Dördüncü setdə “Azərreyl” istəyinə çatıb – 32:30.
Həlledici, qızıl setdə (15:13) də üstün olan “Azərrey” rəqibə 3:2 hesabı ilə qalib gələrək ölkə çempionu adına sahib çıxıb.
Qeyd edək ki, üçüncü yer uğrunda görüşdə “Neftçi” MOİK-ə qalib gələrək (3:0) bürünc medal əldə edib.
You must enable Javascript on your browser for the site to work optimally and display sections completely.
