Qazaxıstanın Manqistau vilayətində, Xəzər dənizinin sahilində 10-dan çox suitinin cəsədi aşkarlanıb. Onların ölüm səbəbi hələ müəyyən edilməyib.
BEY.AZ Qazaxıstan mediasına istinadən xəbər verir ki, ölü suitiləri Aktau şəhərinin sakini Bautino kəndi yaxınlığında görüb. Heyvanların cəsədləri sahil boyunca təxminən 2,5–3 kilometrlik ərazidə yerləşib.
Qeyd edək ki, Qazaxıstanın Xəzər sahilində bu cür hallar əvvəllər də qeydə alınıb. Bu ilin yazında həmin ərazidə yüzlərlə ölü suiti aşkarlanmışdı.