BEY.AZ informasiya agentliyi xəbər verir
Turində keçiriləcək “Avroviziya-2022” beynəlxalq mahnı müsabiqəsinin aparıcılarının adları açıqlanıb.
Metbuat.az xəbər verir ki, bu barədə müsabiqənin saytında məlumat verilib.
Bildirilir ki, builki müsabiqənin aparıcıları Laura Pauzini, Alessandro Kattelan və Mika olacaq; Trio mayın 10-dan 14-dək keçiriləcək mahnı müsabiqəsinin iki yarımfinalını və finalını aparacaq.
Laura Pauzini – italyan müğənnisidir, bir çox nüfuzlu mükafatların, o cümlədən “Qremmi” və “Qızıl Qlobus”un qalibidir.
Alessandro Kattelan – “Total Request Live”, “Le Iene” və “The X Factor” (İtaliya) layihələri ilə tanınan italyan televiziya aparıcısıdır.
Mika – Amerika-Livan əsilli Britaniya müğənnisidir. O, “Səs”in fransız versiyası və “X Factor”un italyan versiyası üzrə mentor olub.
You must enable Javascript on your browser for the site to work optimally and display sections completely.
