Taleh Kazımovdan Mərkəzi Bankda görəcəyi işlər ilə bağlı ilk AÇIQLAMA

Xəbər verdiyimiz kimi, bu gün Milli Məclisin İqtisadi siyasət, sənaye və sahibkarlıq komitəsinin iclası keçirilib. İclasda Taleh Kazımovun Azərbaycan Respublikası Mərkəzi Bankının İdarə Heyətinin üzvlüyünə qəbul edilməsi müzakirə edilib.

Metbuat.az xəbər verir ki, üzvlük məsələsinə deputatlar müsbət rəy verib. İclasda iştirak edən Taleh Kazımov ölkə Prezidentinə ona göstərdiyi etimada görə minnətdarlığını ifadə edib. T. Kazımov komitə üzvlərinə müsbət rəyə görə təşəkkür edib. Fəaliyyəti dövründə Mərkəzi Bankla parlamentin İqtisadi siyasət, sənaye və sahibkarlıq komitəsi arasında daha sıx və səmərəli əlaqələrin qurulmasında səylərini əsirgəməyəcəyini söyləyib.

Qeyd edək ki, T. Kazımovun Mərkəzi Bankı İdarə Heyətinin üzvü təyin edilməsi barədə təqdimat Azərbaycan Prezidenti tərəfindən göndərilib. T. Kazımov buna qədər “PAŞA Bank” ASC-nin İdarə Heyətinin sədri, baş icraçı direktoru olub.

You must enable Javascript on your browser for the site to work optimally and display sections completely.