İstirahət mərkəzində kütləvi zəhərlənmə: 10 nəfər xəstəxanalıq oldu

Nabranda istirahət mərkəzlərindən birində 10 nəfər qidadan zəhərlənib.

Metbuat.az-ın sorğusuna cavab olaraq TƏBİB-dən bildirilib ki, ilk 5 nəfərə ilkin tibbi yardım göstərilib, digər 5 nəfərə isə hazırda yardım göstərilir:

“Nabrandan qida zəhərlənməsi şübhəsi ilə təcili tibbi yardım vasitəsilə Xaçmaz Rayon Mərkəzi Xəstəxanasına saat 05:30 radələrində beş nəfər (3-ü uşaq, 2-si yeniyetmə olmaqla) gətirilib. Onlara ilkin tibbi yardım göstərilib və evə buraxılıblar.

11:20 radələrində isə daha beş nəfər (2-si yeniyetmə olmaqla) eyni diaqnozla təcili tibbi yardımla xəstəxanaya yerləşdirilib. Hazırda onların zəruri tibbi xidmət göstərilir”.

You must enable Javascript on your browser for the site to work optimally and display sections completely.