Rusiya ordusu hücuma keçdi – Hərbçiləri mühasirəyə almağa çalışırlar

Donetskdə Rusiya ordusu Ukrayna hərbçilərini mühasirəyə almağa çalışır.

Metbuat.az xəbər verir ki, bu barədə Ukrayna ordusundan açıqlama verilib. Məlumata görə, ruslar Pavlovka kəndi istiqamətində hücuma keçiblər. Bildirilir ki, məqsəd yeni mövqelər ələ keçirməklə yanaşı, Ugledar şəhəri yaxınlığındakı Ukrayna hərbçilərini mühasirəyə salmaqdır. Ukrayna tərəfi rusların itkilər verdiyini açıqlayıb. Ukrayna ordusundan bildirilib ki, mövqe uğrunda amansız döyüşlər gedir.

Rusiya ordusu üstünlüyü ələ keçirməyə çalışsa da, Ukrayna ordusu mövqelərindən çəkilməyib.

You must enable Javascript on your browser for the site to work optimally and display sections completely.