BEY.AZ informasiya agentliyi xəbər verir
Bakıda və Abşeron yarımadasında axşama doğru şimal-qərb küləyi mülayimləşəcək, yağıntı tədricən kəsiləcək.
Metbuat.az xəbər verir ki, bunu APA-ya açıqlamasında Milli Hidrometeorologiya Xidmətinin Hidrologiya mərkəzinin direktoru Asif Verdiyev deyib. O bildirib ki, Bakıda və Abşeron yarımadasında bu gün axşam 11 dərəcə isti olacağı proqnozlaşdırılıb:
“Mayın 16-17-də Bakıda nisbətən mülayim şimal-qərb, cənub küləkləri əsəcək. Temperatur bu gün ilə müqayisədə bir qədər yüksələrək gündüz 14-19 dərəcə isti olacaq. Gün ərzində bəzi yerlərdə arabir yağış yağacağı gözlənilir”.
Bölgələrdə qeyri-sabit yağıntılı hava şəraitinə gəldikdə isə o deyib ki, mayın 16-sı gündüz saatlarına qədər davam edəcək.
“Sonrakı günlərdə əsasən yağmursuz olacağı gözlənilsə də, mayın 17-18-də gündüz saatlarında yenidən yağıntılı hava şəraitinin olacağı proqnozlaşdırılır”, – deyə o qeyd edib.
Google News Abone ol
Səndə məqalə yaz
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Yağıntılı #hava #nə #qədər #davam #edəcək
