BEY.AZBEY MEDİA

Rusiyanın Sterlitamak şəhərində polis əməkdaşları iki yaşıdına bıçaqla hücum etməkdə şübhəli bilinən 15 yaşlı məktəblini saxlayıblar.
BEY.AZ xəbər verir ki, hadisə yeniyetmələrin böyüklərin nəzarəti olmadan şəhərdəki mənzillərdən birində spirtli içki qəbul etdikləri zaman baş verib.
Regional Daxili İşlər Nazirliyinin məlumatına görə, üç məktəbli qız arasında qəfil münaqişə yaranıb. Mübahisə zamanı onlardan biri mətbəx bıçağını götürərək hər iki rəfiqəsinə xəsarət yetirib. Hadisə yerinə dərhal çevik polis qrupu cəlb olunub. Hücumda şübhəli bilinən yeniyetmə saxlanılıb, yaralanan qızlar isə xəstəxanaya yerləşdirilib.
Qurumdan bildirilib ki, hazırda müstəntiqlər hadisənin bütün təfərrüatlarını araşdırırlar. Araşdırma çərçivəsində hüquq-mühafizə orqanları qızların valideynlərinin uşaqlara nəzarət və onların təhlükəsizliyinin təmin olunması ilə bağlı vəzifələrini yerinə yetirib-yetirmədiyini də yoxlayacaq.

Yeniyetmələrin spirtli içkiyə necə çıxış əldə etməsi və niyə böyüklərin nəzarəti olmadan qalmaları da xüsusi araşdırma predmeti olacaq.

Hüseyn İbadlı

“Klan Soprano” serialında Böyük Pussi Bonpensiero rolu ilə geniş şöhrət qazanan 80 yaşlı amerikalı aktyor Vinsent Pastore vəfat edib.
BEY.AZ xəbər verir ki, bu barədə “Deadline” nəşri məlumat yayıb.
Məlumata görə, Pastore avqustun 1-də öz evində ölü tapılıb. Aktyoru yaşadığı evdə qonşusu aşkarlayıb. Bildirilir ki, o, bundan əvvəl üç gün ərzində yaxınları ilə əlaqə saxlamayıb.
Aktyorun ölümünün səbəbi və hadisənin digər halları araşdırılır. Pastorenin Rene adlı qızı qalıb.
Vinsent Pastore 1990-cı illərin əvvəllərində “Yaxşı oğlanlar”, “Karlitonun yolu” və “Şərəf adamları” filmlərində kiçik rollarda çəkilsə də, əsl tanınması daha sonra baş verib. Onun karyerasında mühüm mərhələlərdən biri 1995-ci ildə çəkilmiş “Jerky Boys: The Movie” komediyasında, həmçinin 1996-cı ildə HBO-nun “Gotti” televiziya filmində rol alması olub. Həmin filmdə o, sonradan “Klan Soprano” serialında birlikdə çəkildiyi Toni Siriko, Frenk Vinsent və Dominik Kianeze ilə eyni ekranı bölüşüb.

Aktyorun karyerasındakı əsas dönüş nöqtəsi 1999-cu ildə Devid Çeyzin “Klan Soprano” layihəsinin yayıma başlaması olub. Məhz bu serialda Pastore bütün karyerasının simvoluna çevrilən Böyük Pussi Bonpensiero obrazını canlandırıb. Bu personaj baş qəhrəman Toni Sopranonun uzunillik yaxın dostu idi. Toni Soprano rolunu isə Ceyms Qandolfini ifa edirdi.
Hüseyn İbadlı

Perunun cənubunda kiçik turist təyyarəsinin qəzaya uğraması nəticəsində 13 nəfər həlak olub.
BEY.AZ xəbər verir ki, bu barədə “Reuters” agentliyi yerli “TVPeru” telekanalına istinadla məlumat yayıb.
Təyyarə ölkənin cənubunda yerləşən Naska geoqliflərinin olduğu arxeoloji kompleksin üzərində qəzaya uğrayıb. Təyyarənin göyərtəsində 11 sərnişin və iki pilot olub.

Hüseyn İbadlı

BEY.AZ 2 avqust 2026-cı il tarixi üçün qoroskopu təqdim edir:
♈ Qoç (21 Mart – 20 Aprel)
Bazar gününü aktiv və enerjili keçirəcəksiniz. İdmanla məşğul olmaq, açıq havada gəzmək və ya fiziki fəaliyyətə vaxt ayırmaq üçün əla gündür. Şəxsi həyatınızda isə təşəbbüsü ələ alaraq sevdiyiniz insanı xoş bir sürprizlə təəccübləndirə bilərsiniz.
♉ Buğa (21 Aprel – 20 May)
Ev və ailə mühitində rahatlıq tapmaq üçün ideal gündür. Yaxınlarınızla birlikdə vaxt keçirmək, evdə kiçik dəyişikliklər etmək və ya dadlı yeməklər bişirmək sizə hüzur verəcək. Maliyyə məsələlərini bu gün tamamilə unudub dincəlməyə diqqət yetirin.

♊ Əkizlər (21 May – 21 İyun)
Ünsiyyət və qısa səfərlər üçün çox uyğun bir gündür. Qohumlar və ya yaxın dostlarla görüşmək, maraqlı söhbətlər etmək əhvalınızı xeyli qaldıracaq. Yeni məlumatlar öyrənmək və ya hər hansı bir kitab oxumaq üçün də vaxt ayıra bilərsiniz.
♋ Xərçəng (22 İyun – 22 İyul)
Maddi məsələlər və şəxsi resurslarınız diqqət mərkəzinizdə ola bilər. Özünüzü daha təhlükəsiz və rahat hiss etmək üçün planlar qura bilərsiniz. Ailə üzvləri ilə birlikdə kiçik alış-verişlər etmək və ya gələcək xərcləri müzakirə etmək üçün əlverişli zamandır.
♌ Şir (23 İyul – 22 Avqust)
Ay sizin bürcünüzdə hərəkətini davam etdirir və bu, sizə xüsusi bir işıltı, cazibə və enerji qatır. Özünüzü ifadə etmək, yaradıcı layihələrlə məşğul olmaq və ya ictimai yerlərdə vaxt keçirmək üçün mükəmməl gündür. Diqqət mərkəzində olmaqdan zövq alacaqsınız.
♍ Qız (23 Avqust – 22 Sentyabr)
Bazar gününü tamamilə dincəlməyə və tək qalmağa həsr etməlisiniz. Zehni olaraq yorğunluğunuzu ən yaxşı şəkildə təbiətdə gəzməklə və ya sakit bir mühitdə kitab oxumaqla aradan qaldıra bilərsiniz. Sağlamlığınıza və yuxu rejiminizə xüsusi diqqət yetirin.
♎ Tərəzi (23 Sentyabr – 22 Oktyabr)

Dostlarınızla bir araya gəlmək, qrup tədbirlərinə qatılmaq və ya sosial həyatda fəal olmaq üçün əla gündür. Gələcək planlarınızı müzakirə etmək üçün dostlarınızdan faydalı məsləhətlər ala bilərsiniz. Sevgi həyatınızda isə ünsiyyət ön planda olacaq.
♏ Əqrəb (23 Oktyabr – 21 Noyabr)
Karyera və ictimai mövqeyinizlə bağlı düşüncələr istirahət günündə də ağlınızda ola bilər. Lakin bu gün işi bir kənara qoyub özünüzə fasilə vermək daha doğrudur. Əgər hər hansı bir tədbirə qatılırsınızsa, liderlik keyfiyyətləriniz dərhal nəzərə çarpacaq.
♐ Oxatan (23 Noyabr – 21 Dekabr)
Məhdudiyyətlərdən uzaqlaşmaq, səyahət etmək və yeni yerlər kəşf etmək üçün səbirsizlənəcəyiniz bir gündür. İyimserliyiniz zirvədədir. Həyata geniş perspektivdən baxaraq ruhunuzu qidalandıracaq fəaliyyətlərə üstünlük verin.
♑ Oğlaq (22 Dekabr – 20 Yanvar)
Dərin düşüncələr, daxili transformasiya və emosional olaraq yenilənmək üçün uyğun zamandır. Yaxın bir insanla səmimi və gizli mövzularda söhbətlər edə bilərsiniz. Maliyyə baxımından ortaq resurslar və ya investisiyalar barədə düşünmək üçün sakit bir gündür.
♒ Dolça (21 Yanvar – 19 Fevral)
İkili münasibətlər, evlilik və ya yaxın tərəfdaşlıq bu gün əsas mövzunuz olacaq. Sevdiyiniz insanla birlikdə vaxt keçirmək, ortaq planlar qurmaq və ya birlikdə harasa səfər etmək münasibətinizi daha da gücləndirəcək.
♓ Balıqlar (20 Fevral – 20 Mart)
Gündəlik qayğılardan uzaqlaşıb sağlamlığınıza və bədəninizin ehtiyaclarına diqqət yetirmək üçün əla gündür. Ev heyvanları ilə vaxt keçirmək, evdə təmizlik və ya səliqə-sahman yaratmaq sizə mənəvi rahatlıq gətirəcək. Axşamı sakit keçirməyə üstünlük verin.
Hüseyn İbadlı

“Sabah” heyətini yeni futbolçu ilə gücləndirib.
BEY.AZ xəbər verir ki, nigeriyalı vinger Kristian Nvaçukvu bundan sonra paytaxt komandasının uğurları üçün çalışacaq.
20 yaşlı futbolçu İngiltərənin “Şeffild Yunayted” klubundan transfer edilib. Nvaçukvu ilə müqavilənin müddəti 2029-cu ilin yayına kimi nəzərdə tutulub.

Futbolçu karyerası ərzində Bolqarıstanın “Botev Plovdiv” (2024/25) və Türkiyənin “Serikspor” (2026) komandalarında çıxış edib

Moskvada Kudrinskaya meydanındakı Stalin dövrünə aid hündür binanın yaxınlığında partlayış baş verib.
BEY.AZ xəbər verir ki, bu barədə “112” “Teleqram” kanalı məlumat yayıb.
Məlumata görə, partlayış binanın birinci mərtəbəsində yerləşən Balzi Rossi restoranında baş verib. İlkin məlumata əsasən, hadisə nəticəsində 20 nəfər xəsarət alıb.
“Mash” “Teleqram” kanalı isə partlayış nəticəsində üç nəfərin öldüyünü, ilkin məlumata görə daha yeddi nəfərin xəsarət aldığını bildirib.
Partlayışdan sonra yanğın başlayıb. “Baza” Teleqram kanalının məlumatına görə, yanğına görə üçüncü səviyyəli yanğın səviyyəsi ealn edilib.

Hadisə şahidlərinin sözlərinə görə, əraziyə çoxsaylı təcili yardım maşınları cəlb olunub. Hündür binanın ətrafındakı yollar bağlanıb. Hazırda “Aviatorlar evi” kimi tanınan binaya onlarla təcili tibbi yardım briqadası və Fövqəladə Hallar Nazirliyinin xeyli sayda qüvvəsi göndərilib.
Hüseyn İbadlı

“Vaşinqton”un kapitanı Aleksandr Oveçkin İspaniya və Argentina arasında keçirilən 2026-cı il Dünya Kubokunun finalı (1:0) barədə danışıb.
BEY.AZ xəbər verir ki, xokkeyçi oyunu stadiondan həyat yoldaşı Anastasiya ilə birlikdə izləyib.
-Final darıxdırıcı, darıxdırıcı idi. İlk hissədə cəmi iki qol şansı oldu. Və əsasən, argentinalı oyunçu meydandan qovulduqdan sonra hər şey aydın oldu.
– İspaniyanın qalib gəlməsini təbii və ədalətli hesab edirsiniz?
-Finaldakı oyuna əsasən yüz faiz belədir.

– Bəs bu çempionatın ən yaxşı oyunçusu sizin üçün Rodridir, yoxsa başqası?
– Mənim üçün bu, Messidir.

Dövlət Reklam Agentliyinin tabeliyində fəaliyyət göstərən “İNNOVA” İnnovativ Reklamçılıq Şirkəti Məhdud Məsuliyyətli Cəmiyyətinin (MMC) icraçı direktorunun müşaviri vəzifəsindən azad edilib.
BEY.AZ “Qaynarinfo”ya istinadən xəbər verir ki, Agentliyin İdarə Heyətinin sədri Fərhad Adıgözəlovun müvafiq əmri ilə “İNNOVA” MMC-nin icraçı direktorunun müşaviri İnna Saleh qızı Abbasova vəzifəsindən azad olunub.
Dövlət Reklam Agentliyinin mətbuat xidmətindən bildirilib ki, bir müddət əvvəl “İNNOVA” MMC-də müşavir ştatı ləğv edildiyindən İnna Abbasovanın əmək müqaviləsinə xitam verilib.

Bu gün səhər saatlarında Bakının Sabunçu qəsəbəsində yerləşən fərdi yaşayış evlərinin birində baş verən qətl hadisəsinin təfərrüatları məlum olub.
54 yaşlı Sevinc Şahmar qızı Məmmədovanın oğlu tərəfindən şəxsiyyət vəsiqəsi üstündə öldürüldüyü iddia edilir.
Mərhumun “NİDA” Vətəndaş Hərəkatının üzvü olmuş və 2021-ci ildə İstanbulda vəfat edən ictimai fəal Bayram Məmmədovun anası olduğu məlum olub. Dəhşətli cinayəti törətməkdə şübhəli bilinən Bayramın qardaşı, 34 yaşlı Elvin Fərman oğlu Məmmədov saxlanılıb.
BEY.AZ xəbər verir ki, hadisə ilə bağlı Teleqraf İnformasiya Agentliyinin əməkdaşları qətlin törədildiyi Sabunçu qəsəbəsindəki ünvana yollanıblar.

Qonşuların bildirdiyinə görə, cinayəti törədən Elvin Məmmədovun ciddi psixoloji problemləri olub:
“Çox gözəl ailə idi. Ana, ata və oğul evdə birlikdə qalırdılar. Dünyasını dəyişən Sevinc xanım çox yaxşı qadın idi, şirniyyat sexində işləyirdi. O, bir neçə il əvvəl də o biri oğlunu itirmişdi və daxilən böyük acı çəkirdi. Bu oğlu isə ruhi xəstə idi. Hər dəfə işdən evə gələndə onu küçədə dayanan görürdüm, lakin indiyə hansısa zərərli hərəkətini görməmişəm. Bu məhəlləyə yeni köçdüyüm üçün ailə haqqında çox məlumatım yoxdur”, – deyə qonşulardan biri deyir.
Həmsöhbətimiz qanlı davanın hansı səbəbdən qızışdığı barədə məhəllədə gəzən iddiaları da bölüşüb:
“Bildiyim qədərilə, oğlan şəxsiyyət vəsiqəsinin üstündə anası ilə mübahisə edib. Hadisə bir anda, qəfil baş verib. Bu hadisə hər kəsə dərs olmalıdır. Bu cür psixoloji diaqnozu olan şəxsləri evdə nəzarətsiz saxlamasınlar, bunun üçün dövlətimizin xüsusi müəssisələri var. Elə insanlar mütləq vaxtında müalicə almalıdırlar”.

Qonşu məhəllədə yaşayan Cavid Məhərrəmovun sözlərinə görə, qətl anında ata evdə olmayıb:
“Evim onlardan bir az uzaqdadır, yaxından tanımıram. Amma eşitdiyim qədərilə normal ailə idi. Oğlan çöldə-bayırda özünü sakit aparırdı, amma deyirlər psixoloji problemləri olub. Hadisə baş verən vaxt evdə yalnız ana və oğlu olub, ata rayonda imiş”.
Yaxınlıqda yaşayan digər bir qonşu qadın isə ailənin keçmişi ilə bağlı bunları deyir: “Elvinin əvvəllər ailəsi var idi, sonradan isə boşandı. Anası, atası çox yaxşı, sakit adam idilər. Oğlanın özünü isə demək olar ki, görmürdüm”.
FOTO: Elnur Muxtar

Bu il iyulun 1-nə Azərbaycan manatının xarici valyutalara nisbətən nominal effektiv məzənnəsi 103,5 bənd təşkil edib.
BEY.AZ xəbər verir ki, bu barədə Azərbaycan Mərkəzi Bankına (AMB) istinadən xəbər verir.
Bu, aylıq müqayisədə 1 bənd, ilin əvvəlinə nisbətən 1 bənd, 2025-ci ilin iyulun 1-i ilə müqayisədə 0,9 bənd çoxdur.

Hesabat dövrüdə real effektiv məzənnə 115,2 bənd təşkil edib. Bu isə aylıq müqayisədə 0,7 bənd çox, ilin əvvəlinə nisbətən 0,6 bənd az, ötən il iyulun 1-i ilə müqayisədə isə eyni olub.

Madridin “Rayo Valyekano” komandasının ev stadionunda oynamaq hüququnu itirdiyi barədə məlumat vermişdik.
BEY.AZ xəbər verir ki, İspaniya çempionatının başlamasına bir neçə həftə qalmış vəziyyətin kritik görünməsi ilə klubun vitse-prezidenti Xose Mariya Sarda bir qrup klub işçisi ilə birlikdə qeyri-ənənəvi bir addım atmaq qərarına gəlib.
Problemə diqqət çəkmək üçün onlar stadionu təmizləmək üçün bir araya gəliblər.
“derbyderbyderby.it” saytının məlumatına görə, məqsəd arenanın istifadəsini qadağan edən şəhər rəhbərliyinə klub rəhbərliyinin stadiona qayğı göstərdiyini göstərmək idi.

İspaniya çempionatının yeni mövsümü avqustun 16-da başlayacaq.

Gürcüstanda terrorizmə qarşı mübarizə sahəsində mühüm addımlar atılıb. Qabaqlayıcı tədbirlər nəticəsində bir sıra təhdidlərin qarşısı alınıb.
BEY.AZ xəbər verir ki, bu sözləri Gürcüstanın Baş naziri İrakli Kobaxidze Dövlət Təhlükəsizlik Xidmətinin yaradılmasının 11-ci ildönümünə həsr olunmuş tədbirdəki çıxışında bildirib.
Onun sözlərinə görə, korrupsiyaya qarşı mübarizə tədbirləri milli təhlükəsizliyin ayrılmaz hissəsidir. Gürcüstan cəmiyyəti bu istiqamətdə aktiv işin nəticələrini hər gün görür. Gürcüstan hökuməti hər cür korrupsiya cinayətinə qarşı barışmaz olmağa davam edəcək və hər kəs qanun qarşısında ciddi şəkildə məsuliyyət daşıyacaq.

Sutka ərzində 50-dən çox cinayətin üstü açılıb
Daxili İşlər Nazirliyinin mətbuat xidmətindən BEY.AZ-a verilən məlumata görə, iyulun 31-də polis əməkdaşlarının həyata keçirdikləri operativ tədbirlər nəticəsində 45-i isti izlərlə olmaqla, ümumilikdə 56 cinayət hadisəsinin qarşısı alınıb və açılması təmin edilib.
Bildirilib ki, cinayət törətməkdə şübhəli bilinən 53 nəfər saxlanılıb.

Belçikalı FIFA referisi Frank De Blekerin AFFA-dakı fəaliyyəti başa çatıb.
BEY.AZ xəbər verir ki, 2024-cü ilin iyul ayında AFFA Hakimlər Komitəsinin sədri vəzifəsinə təyin olunan Frank De Bleker 2025-ci ilin noyabrından etibarən AFFA-da Beynəlxalq Hakimlik və hakimlərin təlim-tədrisi üzrə baş katibin müşaviri vəzifəsini icra edib.
O, fəaliyyəti dövründə Azərbaycan hakimliyinin inkişafı, beynəlxalq əlaqələrin genişləndirilməsi və hakimlərin hazırlıq səviyyəsinin yüksəldilməsi istiqamətində öz töhfəsini verib. Belçikalı mütəxəssisin fəaliyyəti dönəmində, xüsusən də, gənc hakimlərin inkişafına göstərilən diqqət tezliklə öz bəhrəsini verib. 2026-cı ildən etibarən Azərbaycanın tarixində ilk dəfə FIFA dərəcəli hakimlərinin sayının 4-ə yüksəlməsi bunun ən bariz nümunələrindən biridir. Bu nailiyyət ölkə hakimliyinin beynəlxalq arenadakı nüfuzunun artmasının, eyni zamanda Frank De Blekerin həyata keçirdiyi fəaliyyətin uğurlu nəticəsidir.

Frank De Bleker karyerasını Serbiyada davam etdirəcək. O, Serbiya Futbol Federasiyasında Hakimlər Komissiyasının sədri vəzifəsinə təyin olunub.

"Azeri Light" bahalaşdı

Çinə səfər edən hər kəsin ən çox görmək istədiyi iki məkan var: Böyük Çin Səddi və “Qadağan olunmuş şəhər”. Biri dünyanın ən böyük müdafiə istehkamı, digəri isə əsrlər boyu Çin imperatorlarının sirrini qoruyan saray kompleksi kimi məşhurdur. Coğrafiya və tarix dərsliklərindən haqqında oxuduğumuz bu abidələri canlı görmək isə tamamilə başqa hissdir: onların böyüklüyünü və əzəmətini öz gözlərinlə görəndə daha çox anlayırsan…

Tikintisi iki min ildən artıq davam edib
Pekindən Böyük Çin Səddinə avtomobillə təxminən bir saata çatmaq olur. Pekinin qədim hissəsində anlaşdığımız turşirkətlərdən biri adambaşına 200 yuan (50 AZN) ödəməklə səfərimizi Böyük Çin səddinin Mutianyu hissəsinə reallaşdırır. Səddin yüksək hissəsinə qalxmaq üçün isə kanat yolundan istifadəyə görə əlavə 140 yuan (36 AZN) ödəyirik.
Kanat yavaş-yavaş yüksəldikcə dağların qoynunda əjdaha kimi qıvrılan divar görünməyə başlayır. Zirvəyə çatanda isə heyrətdən donub qalırsan: fotolarda möhtəşəm görünən Böyük Çin Səddinin əsl möhtəşəmliyini yalnız onun üzərində dayananda hiss edirsən.

Böyük Çin Səddi təkcə divar deyil: gözətçi qüllələri, qalalar, maneələr, kazarmalar, qarnizon məntəqələri və keçidlərdən ibarət vahid müdafiə sistemidir. Burada sərhəd nəzarəti aparılıb, ticarət yolları qorunub, gömrük funksiyası yerinə yetirilib, qoşunların sürətli hərəkəti təmin olunub. Qədim dövrün sərhəd xidməti, magistral yolu və hərbi qərargahı sanki bir yerdə cəmləşib.
Səddin ümumi uzunluğu 21 min 196 kilometrdir. Ümumilikdə bu nəhəng layihənin inşası 2000 ildən artıq davam edib. Abidə təkcə mühəndislik zəfərini deyil, həm də onu tikən milyonlarla insanın qəhrəmanlığını simvolizə edir.

Çinlilər bu rəqəmi turistlərə maraqlı müqayisələrlə izah edirlər: “Səddin uzunluğu ekvatorun yarısına bərabərdir. Bu, Pekindən Romaya iki dəfə piyada getmək və ya yan-yana düzülmüş 242 min futbol meydançası qədər məsafə deməkdir”.

Sümüklər üzərində tikilən divar
Vaxtilə səddin tikintisi zamanı 2-3 milyon insan həyatını itirib. Səbəb ağır əmək şəraiti, xəstəliklər və çətin iqlim olub. El arasında “Böyük Çin Səddi sümüklər üzərində tikilib” ifadəsi də buradan yaranıb. Hətta cəsədlərin divarın içərisində basdırıldığı barədə əfsanələr də dolaşır. Tarixçilər bunu təsdiqləməsələr də, rəvayət bu gün də yaşayır.
Səddin üzərində gəzdikcə mühəndislərin uzaqgörənliyinə heyran qalmamaq mümkün deyil. Divarın bəzi hissələri o qədər enlidir ki, üzərində eyni vaxtda beş atlı və ya on əsgər yan-yana hərəkət edə bilib. Yağış sularının axıdılması üçün xüsusi drenaj kanalları da tikilib.

Marşrut boyunca pillələr gah dikləşir, gah da enir. Bəzən nəfəsin çatmır, amma dönüb arxaya baxanda bütün yorğunluq unudulur. Dağların qoynunda kilometrlərlə uzanan divar sanki üfüqdə itib-batır…

Maraqlıdır ki, Böyük Çin Səddi bu gün də “böyüməkdə” davam edir. Yeni texnologiyalar sayəsində arxeoloqlar əvvəllər məlum olmayan hissələri aşkar edirlər. Təkcə 2020-ci ildə Şimali Çində 600 kilometrdən çox qədim divar qalıqları sənədləşdirilib.

Bu möhtəşəm sənət abidəsi üç min ildir ki, Çinin simvoluna çevrilərək yaşayır. Dünyanın yeddi yeni möcüzəsindən biri olan abidə UNESCO-nun Dünya irs Siyahısındadır və hər kəsin ömründə heç olmasa bircə dəfə görməli olduğu yerlərdən biri kimi yaddaşda əbədiləşir.
“Çin imperiyasının ürəyi”
Pekinin tam mərkəzində yerləşən “Qadağan olunmuş şəhər”ə getmək üçün biletləri öncədən almaq tövsiyə olunur. Hər gün minlərlə ziyarətçinin üz tutduğu bu məkana yerində bilet əldə etmək saatlarla vaxt itkisi deməkdir.
Tiananmen meydanının düz qarşısında yerləşən saray kompleksi uzaqdan da möhtəşəm görünür. Hündür divarlar və su ilə dolu xəndək əsrlər boyu onu xarici dünyadan ayırıb. Bu gün “Qadağan olunmuş şəhər”ə daxil olmaq üçün yalnız üç qapıdan keçmək lazımdır: Tiananmen, Duanmen və nəhayət sarayın əsas qapısı – Vumen. Əvvəlki dövrlərdə xarici səfirlər və rəsmilər üçün saraya gedən yol daha uzun idi: onlar beş qapıdan keçirdilər.

“Qadağan olunmuş şəhər” 1406-1420-ci illərdə Min sülaləsinin imperatoru Yonqlenin əmri ilə tikilib. Sonrakı beş əsr ərzində burada Min və Tsin sülalələrindən olan 24 imperator yaşayıb və ölkəni idarə edib. Məhz buna görə də bu şəhəri “Çin imperiyasının ürəyi” adlandırırlar.

Saray kompleksi 900-dən çox sarayı, 8700-dən artıq otağı birləşdirir. Rəvayətlərdə onların sayının 9999 olduğu deyilsə də, bu daha çox Çin mədəniyyətində müqəddəs sayılan “9” rəqəmi ilə bağlıdır.
1987-ci ildən “Qadağan olunmuş şəhər” UNESCO-nun Ümumdünya İrs Siyahısına daxil edilib və hazırda “İmperator Sarayı Muzeyi” kimi fəaliyyət göstərir. Burada on minlərlə qiymətli eksponat, imperator geyimləri, qədim kitablar, rəsmlər, bürünc məmulatlar və zinət əşyaları qorunur.

Buraya girmək ölüm demək idi
“Qadağan olunmuş” adı təsadüfi seçilməyib. Keçmişdə imperatorun xüsusi icazəsi olmadan adi insanların bu şəhərə daxil olması qəti qadağan idi. İcazəsiz girənləri ölüm cəzası gözləyirdi.

Bu gün isə həmin darvazalardan hər gün minlərlə turist keçir. Vaxtilə yalnız imperatorun ailəsi, yüksək rütbəli məmurlar və xidmətçilərin gəzdiyi həyətlərdə indi dünyanın hər yerindən gələn insanlar şəkil çəkdirirlər.

Sarayın memarlığında hər detalın öz mənası var. Sarı rəng imperator hakimiyyətini, qızılı və qırmızı rəng gücü, tikililərin tam simmetriyası isə kainatın harmoniyasını ifadə edir. (“Kaspi” qəzeti)