BEY.AZBEY MEDİA

Madridin “Rayo Valyekano” komandasının ev stadionunda oynamaq hüququnu itirdiyi barədə məlumat vermişdik.
BEY.AZ xəbər verir ki, İspaniya çempionatının başlamasına bir neçə həftə qalmış vəziyyətin kritik görünməsi ilə klubun vitse-prezidenti Xose Mariya Sarda bir qrup klub işçisi ilə birlikdə qeyri-ənənəvi bir addım atmaq qərarına gəlib.
Problemə diqqət çəkmək üçün onlar stadionu təmizləmək üçün bir araya gəliblər.
“derbyderbyderby.it” saytının məlumatına görə, məqsəd arenanın istifadəsini qadağan edən şəhər rəhbərliyinə klub rəhbərliyinin stadiona qayğı göstərdiyini göstərmək idi.

İspaniya çempionatının yeni mövsümü avqustun 16-da başlayacaq.

Gürcüstanda terrorizmə qarşı mübarizə sahəsində mühüm addımlar atılıb. Qabaqlayıcı tədbirlər nəticəsində bir sıra təhdidlərin qarşısı alınıb.
BEY.AZ xəbər verir ki, bu sözləri Gürcüstanın Baş naziri İrakli Kobaxidze Dövlət Təhlükəsizlik Xidmətinin yaradılmasının 11-ci ildönümünə həsr olunmuş tədbirdəki çıxışında bildirib.
Onun sözlərinə görə, korrupsiyaya qarşı mübarizə tədbirləri milli təhlükəsizliyin ayrılmaz hissəsidir. Gürcüstan cəmiyyəti bu istiqamətdə aktiv işin nəticələrini hər gün görür. Gürcüstan hökuməti hər cür korrupsiya cinayətinə qarşı barışmaz olmağa davam edəcək və hər kəs qanun qarşısında ciddi şəkildə məsuliyyət daşıyacaq.

Sutka ərzində 50-dən çox cinayətin üstü açılıb
Daxili İşlər Nazirliyinin mətbuat xidmətindən BEY.AZ-a verilən məlumata görə, iyulun 31-də polis əməkdaşlarının həyata keçirdikləri operativ tədbirlər nəticəsində 45-i isti izlərlə olmaqla, ümumilikdə 56 cinayət hadisəsinin qarşısı alınıb və açılması təmin edilib.
Bildirilib ki, cinayət törətməkdə şübhəli bilinən 53 nəfər saxlanılıb.

Belçikalı FIFA referisi Frank De Blekerin AFFA-dakı fəaliyyəti başa çatıb.
BEY.AZ xəbər verir ki, 2024-cü ilin iyul ayında AFFA Hakimlər Komitəsinin sədri vəzifəsinə təyin olunan Frank De Bleker 2025-ci ilin noyabrından etibarən AFFA-da Beynəlxalq Hakimlik və hakimlərin təlim-tədrisi üzrə baş katibin müşaviri vəzifəsini icra edib.
O, fəaliyyəti dövründə Azərbaycan hakimliyinin inkişafı, beynəlxalq əlaqələrin genişləndirilməsi və hakimlərin hazırlıq səviyyəsinin yüksəldilməsi istiqamətində öz töhfəsini verib. Belçikalı mütəxəssisin fəaliyyəti dönəmində, xüsusən də, gənc hakimlərin inkişafına göstərilən diqqət tezliklə öz bəhrəsini verib. 2026-cı ildən etibarən Azərbaycanın tarixində ilk dəfə FIFA dərəcəli hakimlərinin sayının 4-ə yüksəlməsi bunun ən bariz nümunələrindən biridir. Bu nailiyyət ölkə hakimliyinin beynəlxalq arenadakı nüfuzunun artmasının, eyni zamanda Frank De Blekerin həyata keçirdiyi fəaliyyətin uğurlu nəticəsidir.

Frank De Bleker karyerasını Serbiyada davam etdirəcək. O, Serbiya Futbol Federasiyasında Hakimlər Komissiyasının sədri vəzifəsinə təyin olunub.

"Azeri Light" bahalaşdı

Çinə səfər edən hər kəsin ən çox görmək istədiyi iki məkan var: Böyük Çin Səddi və “Qadağan olunmuş şəhər”. Biri dünyanın ən böyük müdafiə istehkamı, digəri isə əsrlər boyu Çin imperatorlarının sirrini qoruyan saray kompleksi kimi məşhurdur. Coğrafiya və tarix dərsliklərindən haqqında oxuduğumuz bu abidələri canlı görmək isə tamamilə başqa hissdir: onların böyüklüyünü və əzəmətini öz gözlərinlə görəndə daha çox anlayırsan…

Tikintisi iki min ildən artıq davam edib
Pekindən Böyük Çin Səddinə avtomobillə təxminən bir saata çatmaq olur. Pekinin qədim hissəsində anlaşdığımız turşirkətlərdən biri adambaşına 200 yuan (50 AZN) ödəməklə səfərimizi Böyük Çin səddinin Mutianyu hissəsinə reallaşdırır. Səddin yüksək hissəsinə qalxmaq üçün isə kanat yolundan istifadəyə görə əlavə 140 yuan (36 AZN) ödəyirik.
Kanat yavaş-yavaş yüksəldikcə dağların qoynunda əjdaha kimi qıvrılan divar görünməyə başlayır. Zirvəyə çatanda isə heyrətdən donub qalırsan: fotolarda möhtəşəm görünən Böyük Çin Səddinin əsl möhtəşəmliyini yalnız onun üzərində dayananda hiss edirsən.

Böyük Çin Səddi təkcə divar deyil: gözətçi qüllələri, qalalar, maneələr, kazarmalar, qarnizon məntəqələri və keçidlərdən ibarət vahid müdafiə sistemidir. Burada sərhəd nəzarəti aparılıb, ticarət yolları qorunub, gömrük funksiyası yerinə yetirilib, qoşunların sürətli hərəkəti təmin olunub. Qədim dövrün sərhəd xidməti, magistral yolu və hərbi qərargahı sanki bir yerdə cəmləşib.
Səddin ümumi uzunluğu 21 min 196 kilometrdir. Ümumilikdə bu nəhəng layihənin inşası 2000 ildən artıq davam edib. Abidə təkcə mühəndislik zəfərini deyil, həm də onu tikən milyonlarla insanın qəhrəmanlığını simvolizə edir.

Çinlilər bu rəqəmi turistlərə maraqlı müqayisələrlə izah edirlər: “Səddin uzunluğu ekvatorun yarısına bərabərdir. Bu, Pekindən Romaya iki dəfə piyada getmək və ya yan-yana düzülmüş 242 min futbol meydançası qədər məsafə deməkdir”.

Sümüklər üzərində tikilən divar
Vaxtilə səddin tikintisi zamanı 2-3 milyon insan həyatını itirib. Səbəb ağır əmək şəraiti, xəstəliklər və çətin iqlim olub. El arasında “Böyük Çin Səddi sümüklər üzərində tikilib” ifadəsi də buradan yaranıb. Hətta cəsədlərin divarın içərisində basdırıldığı barədə əfsanələr də dolaşır. Tarixçilər bunu təsdiqləməsələr də, rəvayət bu gün də yaşayır.
Səddin üzərində gəzdikcə mühəndislərin uzaqgörənliyinə heyran qalmamaq mümkün deyil. Divarın bəzi hissələri o qədər enlidir ki, üzərində eyni vaxtda beş atlı və ya on əsgər yan-yana hərəkət edə bilib. Yağış sularının axıdılması üçün xüsusi drenaj kanalları da tikilib.

Marşrut boyunca pillələr gah dikləşir, gah da enir. Bəzən nəfəsin çatmır, amma dönüb arxaya baxanda bütün yorğunluq unudulur. Dağların qoynunda kilometrlərlə uzanan divar sanki üfüqdə itib-batır…

Maraqlıdır ki, Böyük Çin Səddi bu gün də “böyüməkdə” davam edir. Yeni texnologiyalar sayəsində arxeoloqlar əvvəllər məlum olmayan hissələri aşkar edirlər. Təkcə 2020-ci ildə Şimali Çində 600 kilometrdən çox qədim divar qalıqları sənədləşdirilib.

Bu möhtəşəm sənət abidəsi üç min ildir ki, Çinin simvoluna çevrilərək yaşayır. Dünyanın yeddi yeni möcüzəsindən biri olan abidə UNESCO-nun Dünya irs Siyahısındadır və hər kəsin ömründə heç olmasa bircə dəfə görməli olduğu yerlərdən biri kimi yaddaşda əbədiləşir.
“Çin imperiyasının ürəyi”
Pekinin tam mərkəzində yerləşən “Qadağan olunmuş şəhər”ə getmək üçün biletləri öncədən almaq tövsiyə olunur. Hər gün minlərlə ziyarətçinin üz tutduğu bu məkana yerində bilet əldə etmək saatlarla vaxt itkisi deməkdir.
Tiananmen meydanının düz qarşısında yerləşən saray kompleksi uzaqdan da möhtəşəm görünür. Hündür divarlar və su ilə dolu xəndək əsrlər boyu onu xarici dünyadan ayırıb. Bu gün “Qadağan olunmuş şəhər”ə daxil olmaq üçün yalnız üç qapıdan keçmək lazımdır: Tiananmen, Duanmen və nəhayət sarayın əsas qapısı – Vumen. Əvvəlki dövrlərdə xarici səfirlər və rəsmilər üçün saraya gedən yol daha uzun idi: onlar beş qapıdan keçirdilər.

“Qadağan olunmuş şəhər” 1406-1420-ci illərdə Min sülaləsinin imperatoru Yonqlenin əmri ilə tikilib. Sonrakı beş əsr ərzində burada Min və Tsin sülalələrindən olan 24 imperator yaşayıb və ölkəni idarə edib. Məhz buna görə də bu şəhəri “Çin imperiyasının ürəyi” adlandırırlar.

Saray kompleksi 900-dən çox sarayı, 8700-dən artıq otağı birləşdirir. Rəvayətlərdə onların sayının 9999 olduğu deyilsə də, bu daha çox Çin mədəniyyətində müqəddəs sayılan “9” rəqəmi ilə bağlıdır.
1987-ci ildən “Qadağan olunmuş şəhər” UNESCO-nun Ümumdünya İrs Siyahısına daxil edilib və hazırda “İmperator Sarayı Muzeyi” kimi fəaliyyət göstərir. Burada on minlərlə qiymətli eksponat, imperator geyimləri, qədim kitablar, rəsmlər, bürünc məmulatlar və zinət əşyaları qorunur.

Buraya girmək ölüm demək idi
“Qadağan olunmuş” adı təsadüfi seçilməyib. Keçmişdə imperatorun xüsusi icazəsi olmadan adi insanların bu şəhərə daxil olması qəti qadağan idi. İcazəsiz girənləri ölüm cəzası gözləyirdi.

Bu gün isə həmin darvazalardan hər gün minlərlə turist keçir. Vaxtilə yalnız imperatorun ailəsi, yüksək rütbəli məmurlar və xidmətçilərin gəzdiyi həyətlərdə indi dünyanın hər yerindən gələn insanlar şəkil çəkdirirlər.

Sarayın memarlığında hər detalın öz mənası var. Sarı rəng imperator hakimiyyətini, qızılı və qırmızı rəng gücü, tikililərin tam simmetriyası isə kainatın harmoniyasını ifadə edir. (“Kaspi” qəzeti)

FİFA avqustun ortalarına qədər Dünya Kubokunda komandaların sayını 48-dən 64-ə qədər artırmaq barədə qərar verməyi planlaşdırır.
BEY.AZ xəbər verir ki, bu barədə “The Times” qəzetinin müxbiri Martin Ziqler məlumat veib.
“Son xəbər. Bu inanılmazdır. FİFA Dünya Kubokunun 64 komandaya qədər genişləndirilməsi ilə bağlı təlimatlar dərc edib – qərar 14 avqusta qədər veriləcək.
Maraqlıdır, bundan kim daha çox faydalanacaq… Bəlkə də özəl investorlar”, – Ziqler sosial media hesabında yazıb.

Daha əvvəl bildirilmişdi ki, UEFA-nın mümkün boykotuna baxmayaraq, FİFA 2030-cu il Dünya Kubokunun iştirakçılarının sayını 64 komandaya çatdırmaq prosesini sürətləndirib.

Rusiyada mütəxəssislər Murmanskda qızıldan baha qiymətləndirilən və yeni mineral sayılan “Kola aşkroftini” aşarlayıblar.
BEY.AZ xəbər verir ki, bu barədə “RİA Novosti” məlumat yayıb. Nəşr Təhsil və Elm Nazirliyinə istinad edib.
“Rusiya Elmlər Akademiyasının Kola Elm Mərkəzinin, Sankt-Peterburq Dövlət Universitetinin və A. E. Fersman adına Mineralogiya Muzeyinin tədqiqatçıları əvvəllər məlum olmayan bu mineralı Xibinsk massivinin Kirovski mədənində aşkar ediblər”,- məlumatda qeyd edilib.
Nazirliyin bəyanatında qeyd edilib ki, bu, elmə yeni məlum olan mineralın kimyəvi tərkibi nadir torpaq elementlərindən ibarətdir.
Klassik aşkroftin olduqca nadir mineraldır və dünyanın bəzi yerlərində mövcuddur. O, Qrenlandiya, Kanada və İtaliyada hasil olunur. Amma “Kola aşkrofitini” Rusiya üçün yeni imkanlar açacaq.

Qeyd edək ki, bu mineral tərkibində itrium, kalium, sodium və kalsium olan nadir silikat mineralı sayılır.
Müəllif: Tural

ABŞ və İsrailin bu həftəsonu İranın enerji infrastrukturuna qarşı genişmiqyaslı hərbi əməliyyat keçirməyi nəzərdən keçirdiyi bildirilir.
BEY.AZ xəbər verir ki, məlumatlı mənbələr “CBS News” telekanalına ABŞ və İsrailin İranda enerji infrastrukturu obyektlərinə ən irimiqyaslı bombardmanlardan birini planlaşdırdıqlarını bildiriblər.
Onların iddiasına görə, zərbələr bu həftəsonu ərzində başlaya bilər. Zərbələrin hədəfi, ehtimal ki, elektrik stansiyaları və neft emalı zavodları da daxil, enerji infrastrukturu olacaq.
ABŞ rəsmilərinin bildirdiyinə görə, İsrail tərəfi plan barədə məlumatlandırılıb və Vaşinqtonla koordinasiya aparılır. Bununla yanaşı, ABŞ Prezidenti Donald Trampın mümkün əməliyyatla bağlı hələ yekun qərar vermədiyi vurğulanır.

Mənbələrin sözlərinə görə, hərbi zərbə planı cümə günü Trampın Kemp Deviddəki iqamətgahında administrasiya üzvləri ilə keçirdiyi müşavirədə müzakirə olunub. Prezidentin siyasi məsələlər üzrə bəzi köməkçiləri buna qətiyyətlə qarşı çıxıblar.

Aparıcı Lamiyə Ələkbərova gələcək gəlinlərindən gözləntilərini açıqlayıb.
BEY.AZ xəbər verir ki, aparıcı bu barədə “Günorta efirdəyik” verilişində danışıb.
“Hər zaman deyirəm ki, qarşıma xaraktercə özüm kimi gəlin çıxsın, başqasını istəmirəm. Qaynanaya qarşı ürəyi necədirsə, mənə qarşı da elə olsun. Bundan gözəl heç nə ola bilməz. Ana və atamız hamımız üçün çox əziz və əvəzolunmazdır. Amma qaynana və qaynataya da böyük hörmət qoymalıyıq.
Sabah oğullarım evlənib gəlin gətirəndə onlardan nə istəyə bilərəm ki? Bir gülər üz, bir şirin söz. Qabağıma bir fincan çay qoysa, gülə-gülə içəcəyəm. Qoymasa da deyəcəyəm ki, oğluma yaxşı baxs. Oğul anaları gəlindən başqa nə istəyir ki?”.

Qeyd edək ki, aparıcının iki oğul övladı var. (Axşam.az)

NHL-də yeni mövsümü sentyabrın sonunda başlayır.
BEY.AZ xəbər verir ki, bukmekerlər artıq Stenli Kubokunun qalibi üçün əmsalları dərc ediblər.
Mütəxəssislər “Florida”nı titula əsas iddiaçısı hesab edirlər – 7.50 əmsal.
Növbəti yerdə 8.00 əmsalla Stenli Kubokunun hazırkı çempionu “Karolina” gəlir. “Kolorado” isə 8.50 əmsalla çempiondan sonrakı yerdədir.
Əsas namizədlər arasında 10.00 əmsallı “Edmonton” və 11.00 əmsallı “Veqas” da var.

“Tampa-Bey” də 13:00 əmsalla favorit hesab olunur. “Minnesota” 14:00-da favoritlər siyahısında bir qədər aşağıdadır.
Aleksandr Oveçkinin yer aldığı “Vaşinqton” da çempionluğa iddialılar arasındadır. Paytaxt klubunun Stenli Kubokunu qazanmaq şansı 16:00 əmsalla dəyərləndirilir.

Sakit Okeanın qərbindəki eyni adlı mərcan adasında yerləşən kiçik Nauru dövləti rəsmi olaraq adını Naoero olaraq dəyişdirib.
BEY.AZ xəbər verir ki, bu barədə ada hökuməti bəyanat yayıb.
Dünyanın ən kiçik ada dövləti olan Nauruda may ayında ölkə parlamenti Prezident Devid Adeanq tərəfindən təklif edilən adın dəyişdirilməsi üçün konstitusiya düzəlişini təsdiqləyib.
Yanvar ayında dövlət başçısı bildirmişdi ki, hazırkı “Nauru” adı müstəmləkə dövründə yaranıb, çünki əcnəbilər ölkənin tarixi adını düzgün tələffüz edə bilmirdilər. Prezidentin sözlərinə görə, yeni ad xalqın mədəni irsini, dilini və milli kimliyini daha dolğun şəkildə əks etdirməlidir.

Qeyd edək ki, Vatikan və Monakodan sonra dünyanın üçüncü ən kiçik dövləti olan Naurunun rəsmi paytaxtı yoxdur.

İran ətrafında yaranmış hərbi gərginlik və son müharibənin ortaya çıxardığı təhlükələr Azərbaycanın hava hücumundan müdafiə (HHM) imkanlarını daha da gücləndirməsinə səbəb olub.
BEY.AZ xəbər verir ki, bu barədə “Forbes” jurnalında dərc olunan məqalədə bildirilir.
Məqalədə qeyd olunur ki, Azərbaycan son illərdə hava məkanının müdafiəsini əhəmiyyətli dərəcədə gücləndirib. Bu istiqamətdə ölkə Pakistan istehsalı olan 40 ədəd “JF-17C Block III” çoxməqsədli qırıcısını silahlanmaya qəbul edib.
Müasir radarlar və uzaqmənzilli hava-hava raketləri ilə təchiz olunan bu təyyarələrin ölkənin hava qüvvələrinin döyüş imkanlarını artıracağı vurğulanır.
Forbes yazır ki, Azərbaycan bununla yanaşı, İsrail, Türkiyə və Çin istehsalı olan müxtəlif hava hücumundan müdafiə sistemləri, radarlar və digər vasitələr hesabına çoxqatlı müdafiə şəbəkəsi formalaşdırır.

Məqalədə bildirilir ki, İran-İsrail müharibəsi pilotsuz uçuş aparatları, qanadlı və ballistik raketlərin yaratdığı təhlükəni bir daha nümayiş etdirib və Bakı bu təcrübəni nəzərə alaraq hava məkanının müdafiəsini gücləndirmək qərarına gəlib.
Jurnal Azərbaycanın İranla uzun sərhədə malik olduğunu xatırladaraq qeyd edir ki, regionda təhlükəsizlik risklərinin artması fonunda hava məkanının etibarlı qorunması ölkə üçün əsas prioritetlərdən birinə çevrilib.
Müəllif hesab edir ki, yeni qırıcılar və müasir HHM sistemlərinin istismarı Azərbaycanın pilotsuz uçuş aparatları və raket təhdidlərinə qarşı imkanlarını əhəmiyyətli dərəcədə artıracaq və ölkənin Cənubi Qafqazda ən güclü hava müdafiə şəbəkələrindən birinə malik olmasına töhfə verəcək. (APA)

İnnovasiya və Rəqəmsal İnkişaf Agentliyinin rəqəmsal hökumətin idarəolunması üzrə müşaviri Mehdi Cavadov vəzifəsindən ayrılıb.
BEY.AZ xəbər verir ki, bu barədə İKT üzrə ekspert Osman Gündüz paylaşım edib.
M.Cavadov bu vəzifəyə 2 ay yarım əvvəl təyin edilib. Bu təyinata qədər “ASAN Xidmət” sədrinin müşaviri kimi çalışıb.

Azərbaycan Texniki Universitetinin (AzTU) 3-cü kurs tələbəsi dünyasını dəyişib.
BEY.AZ xəbər verir ki, İnformasiya texnologiyaları və telekommunikasiya fakültəsinin radiotexnika və telekommunikasiya ixtisasının 3-cü kurs tələbəsi Turan Əsədli uzunsürən xəstəlikdən sonra vəfat edib.

FİFA İspaniya millisinin və “Barselona”nın yarımmüdafiəçisi Qavi haqqında idmançıya yaraşmayan davranış iddiaları ilə bağlı araşdırma başladıb.
BEY.AZ xəbər verir ki, söhbət DÇ-2026-ını finalında Argentina ilə oyunda (1-0) baş verən müxtəlif mübahisələrdən gedir. Bu barədə “Mundo Deportivo” məlumat yayıb.
Mənbənin məlumatına görə, Qavi ən azı bir oyunluq cəza ilə üzləşə bilər. İspaniya Kral Futbol Federasiyası (RFEF) artıq apelyasiya şikayəti üzərində işləyir və son tarix 4 avqust çərşənbə axşamı günü müəyyən edilib.
RFEF iddia etmək niyyətindədir ki, ispan oyunçu nəinki qaydaları pozub, həm də argentinalı yarımmüdafiəçi Leandro Paredesin hücumunun qurbanı olub.

Onlar Qavinin hücum nəticəsində yıxıldığını göstərən videoya istinad etməyi planlaşdırırlar.